Muddat Huee Hai Yaar Ko Mehmaan Kiye Hue

Muddat Huee Hai Yaar Ko Mehmaan Kiye Hue
Josh-E-Qadah Se Bazm Chiraaghaan Kiye Hue

Karta Hoon Jama'a Phir Jigar-E-Lakht-Lakht Ko
Arsa Hua Hai Daawat-E-Mizhgaan Kiye Hue

Phir Waz'a-E-'Ehtiyaat Se Rukane Laga Hai Dam
Barson Hue Hain Chaak Girebaan Kiye Hue

Phir Garm_Naala Haay Sharar_Baar Hai Nafas
Muddat Huee Hai Sair-E-Chiraaghaan Kiye Hue

Phir Pursish-E-Jaraahat-E-Dil Ko Chala Hai Ishq
Saamaan-E-Sad_Hazaar Namakdaan Kiye Hue

Phir Bhar Raha Hai Khaama-E-Mizhgaan Ba_Khoon-E-Dil
Saaz-E-Chaman_Taraazee-E-Daamaan Kiye Hue

Baa_Ham_Digar Hue Hain Dil-O-Deeda Phir Raqeeb
Nazzaara-O-Khayaal Ka Saamaan Kiye Hue