Friday, September 16, 2011

Us Ko Fursat Hi Nahi Waqt Nikale Mohsin

Us Ko Fursat Hi Nahi Waqt Nikale Mohsin
Aise Hote Hain Bhala Chaahne Waale Mohsin

Yaad Ke Dasht Main Phirta Hoon Main Nange Paa’on
Daikh To Aa K Kabhi Paa’on Ke Chhaale Mohsin

Kho Gaye Subho Ki Umeed , Aur Ab Lagta Hai
Hum Nahi Hoon Ge , Ke Jab Hoon Ge Ujaale Mohsin

Haakim-E-Waqt Kahan , Main Kahan , Adal Kahan
Kyun Na Khalqat Ki Zubaa’n’ Par Lagain Taale Mohsin

Wo Jo Ik Shakhs Mataa-E-Dil-O-Jaa’n Tha , Na Raha
Ab Bhala Kaun Mere Dard Sambhaale Mohsin

No comments:

Post a Comment

StatCounter