Maikadaa Thaa Chandani Thi Main Na Thaa

Maikadaa Thaa Chandani Thi Main Na Thaa 
Ik Mujassam Bekhudi Thi Main Na Thaa 

Ishq Jab Dam Tortaa Thaa Tum Na The 
Maut Jab Sar Dhun Rahi Thi Main Na Thaa 

Toor Par Charhaya Thaa Jis Ne Aap Ko 
Wo Meri Diivaangi Thi Main Na Thaa 

Main Aur Us Gunchaa Dahan Ki Aarazu 
Aarazu Ki Sadagi Thi Main Na Thaa 

Dair-O-Kaabaa Men Adam Hairat-Farosh 
Do Jaha,N Ki Bad Zani Thi Main Na Thaa