Monday, August 1, 2011

Shafaq' Ki Jheel Men Jab Sang_E_Aftaab Giry,

‎'Shafaq' Ki Jheel Men Jab Sang_E_Aftaab Giry,

Hamary Ghar Py Siyah Raat Ka Azaab Giry.

Kaheen To Gardish_E_Ayyam Thak K Saans B Ly,

Kabhi To Khaima_E_Aflaak Ki Tanaab Giry.

Kisi K Raaygaan Ashkon Ka Kuch Hisaab To Kr,

Falak Sy Youn To Sitary B Be'hisaab Giry.

Kaheen To Silsla_E_Intzaar Khatm B Ho,

Kisi Tarah To Ye Deewar_E_ Iztrab Giry.

Ghazal K Roop Mein Wo Ru Baru Jo Ho"MOHSIN",

Labon Sy Lafz Urrein, Haath Sy Kitaab Giry

No comments:

Post a Comment

StatCounter