Saturday, August 13, 2011

Tere Khiyaal Mein Ayse Gumm Rahaa Barson


Tere Khiyaal Mein Ayse Gumm Rahaa Barson
Main Apne Aap Se Bhi Mil Nahi Saka Barson,

Kaheen Woh Zaeqa Tehleel Hi na Ho jaaye
Main Us Se Mil K Kisi Se Nahi Mila Barson,

Kaha Tha Tum Ne K Tum Laut Aaoge Ek Din
So Mein Jhaan Tha, Waheen Khara Raha Barson,

Tere Bagair Meri Umar Raaegaan Guzri
Koi Bhi Kaam Nahi Theek Se Howa Barson,

Tumhare Haath Ki Dastak Ki Aas "Mohsin"
Main Apne Ghar Se Kaheen B Nahi Giya Barson.

No comments:

Post a Comment

StatCounter