hijer mousam main ye baarish ka barasna kaisa
ik sehra se samundar ka guzarna kaisa
aye mere dil na pareshaan ho tanha ho kar
wo tere saath chala kab tha bicharna kaisa
loug to kehtay hain gulshan ki tabahi deakho
main to weraan sa jungle tha ujarna kaisa
deakhnay main to koi dard nahi dukh bhi nahi
phir ye aankho main youn ashkoun ka ubharna kaisa
bewafa kehnay ki bhi jurrat na karna lougon
us ne iqraar kiya kab tha mukarna kaisa
No comments:
Post a Comment